नेपालमा सलह

० यज्ञराज उपाध्याय

युरोप यसियाबाट बाटो भारतको हुँदै
आए सलह नेपाल बालीनाली चपाउँदै ।

सलह बलिया रैछन् घुम्दैछन् घुमन्त्य बनि
बेसार खाएरै होकि ? लागेन कोरना पनि ।

तराई र मधेसैमा खेतका आलिआलिमा
जमाए हैकमै आफ्नो गाउँका बालिनालिमा ।

गाउँको बालि सिध्याइ सिंहदर्बारमा पसे
झ्यालबाट छिरे भित्र घुमने कुर्सिमा बसे ।

चीनबाट मगाएको छोडेनन् ओखतीमुलो
राहत पनि नीलेछन् निभ्यो गरिबको चुलो ।

क्वारिन्टिन चपाएर धुलो पिठो बनाएछन्
पचेन खाएको धेरै डुङडुङ्ती गनाएछन् ।

परेका मुखमा आफ्ना पुछ्दै रछानका छिटा
चपाउँदै निली दिन्छन् अरबौँ नोटका बिटा ।

राखनु हुन्न धेरै दिन् बालीनाली चटाएर
लखेटौँ सलहैलाई रित्ता थाल ठटाएर ।

(छन्द अनुष्टुप)