कहाँ होला त्यो स्वर्ग

० सुधा शाह

कहाँ छ होला त्यो स्वर्ग, कसलाई थाहा छ
कुन्नि किन हो, मलाई खुब जान्ने चाहा छ

भन्नेले जति नराम्रो नै, भने पनि उसलाई
मेरो नजरमा सँधै ऊ, खास छ आहा छ

जुन दिन मेरो सारा, खुशी लुटिलग्यो नि
त्यस दिनदेखि दैवप्रती, पनि साह्रै डाहा छ

नाता साइनो एक जन्ममै, टुटी गए पनि
अर्को जन्म पनि उसलाई, पाउने चाहा छ

हराउँदै कल्पनाको, त्यो रंगिन संसारमा
सम्झिएर मायालुलाई, दिन रात स्वाहा छ

पीडामा रुँदै दिन बिताउने, भएकी छु म त
तर शत्रुको अनुहार भने, खुसीले हाहा छ

(रुकुमकोट, हालः नेपालगन्ज)