अक्सिजनको चरम अभाव : बेलझुण्डीमा आठको ज्यान गयो

दाङ। कोरोना विशेष अस्पताल बेलझुण्डीमा पछिल्लो २४ घण्टाको अवधिमा आठ जना कोरोना सङ्क्रमितले ज्यान गुमाएका छन्।

ज्यान गुमाउनेमा तुलसीपुर उपमहानगरपालिकाका पाँच, घोराही उपमहानगरपालिका, गढवा र दंगीशरण गाउँपालिकाका एक, एक जना छन्।

अस्पतालका व्यवस्थापक दोर्ण ओलीले अस्पतालको क्षमताले भ्याएसम्म सङ्क्रमितलाई स्वास्थ्य सेवा प्रदान गरिएको जानकारी दिए। पछिल्लो समय जिल्लामा अक्सिजनको चरम अभावका भएको छ।

पर्याप्त अक्सिजन नहुँदा सङ्क्रमितको अवस्था दयनीय रहेको तुलसीपुर उपमहानगरपालिका प्रमुख घनश्याम पाण्डेले सामाजिक सञ्चालमार्फत जनाउनुभएको छ । उहाँले अक्सिजनको चरम अभावका कारण बिरामी छट्पटाइ रहेको अवस्था रहेकाले यसमा जिल्लाका सांसदलाई यसतर्फ गम्भीर ध्यान दिन आग्रह गरे।