पूर्व कुलपति काइँलालाई मस्तिष्कघात, प्रतिष्ठानद्वारा स्वास्थ्यलाभको कामना

काठमाडौं। मस्तिष्कघात भई उपचाररत पूर्वकुलपति वैरागी काइँलाको नेपाल प्रज्ञा–प्रतिष्ठानले स्वास्थ्यलाभको कामना गरेको छ।

प्रतिष्ठानका कुलपति गङ्गाप्रसाद उप्रेती, उपकुलपति डा जगमान गुरुङ र सदस्यसचिव प्रा जगतप्रसाद उपाध्यायले विज्ञप्ति निकालेर काइँलाको स्वास्थ्य लाभको कामना गरेका हुन्।

नेपाली साहित्यमा आयामेली अभियानका हस्ती एवं मुन्धुम दर्शनका व्याख्याता काइँला यही असार १० गते उपचारका लागि चाबहिलस्थित ओम अस्पतालमा भर्ना भएका थिए।