पौडेल पक्षको प्रकाशमान निवासमा चाक्सीबारीमा छलफल

काठमाडौं । नेपाली काँग्रेसका वरिष्ठ नेता रामचन्द्र पौडेल समूहका शीर्ष नेताहरुको छलफल भएको छ । उनीहरुको सुक्रबार विहान सवा ८ बजेबाट पूर्वमहामन्त्री प्रकाशमान सिंहको निवासमा बैठक भएको हो ।

छलफलमा वरिष्ठ नेता पौडेल, महामन्त्री शशांक कोइराला, पूर्वमहामन्त्री प्रकाशमान सिंह, कोषाध्यक्ष सितादेवी यादव, पूर्वसहमहामन्त्रीद्वय अर्जुननरसिंह केसी, रामशरण महत, नेताहरु बलबहादुर केसी, शेखर कोइराला, दिलेन्द्र बडू र मिनेन्द्र रिजाललगाएतको सहभागिता रहेको थियो ।

छलफल आफू पक्षीय जिल्ला सभापतिहरूले तीन बुँदे माग राखेर गरेको रिले अनसन र १४ औं महाधिवेशनका विषयमा केन्द्रित रहेको बुझिएको छ । बैठकमा १४ महाधिवेशनमा पौडेल समूहबाट साझा उम्मेदवार बनाइए बारेपनि छलफल भएको छ ।