देशैभर मनाइयो रेडक्रस दिवस, २५ वर्ष सेवा गर्नेलाई सम्मान

काठमाडौं । मानवीय भावना फैलाउन र प्रेममय वातावरण विकास गर्न “माया” भन्ने मूल सन्देशसहित नेपाल रेडक्रस सोसाइटी (नेरेसो) को ५७ औं स्थापना दिवस बिहीबार देशैभर विभिन्न कार्यक्रम आयोजना गरि सम्पन्न भएको छ ।

नेरेसो केन्द्रीय कार्यालयमा रेडक्रसका संस्थापक जँ हेनरी ड्यूनाको तस्बिरमा माल्र्यापण गरी सोसाइटीका अध्यक्ष संजीव थापाले दिवसको शुरुवात गरेका थिए । अध्यक्ष थापाले भने, ुयस वर्षको मूल नारा “माया” ले हामी रेडक्रस प्रेमीलाई एक बनाउन मद्दत गरिरहेको छ ।”

महामन्त्री देवरत्न धाख्वाले दिवसको सान्दर्भिकताबारे बोल्दै नेपाल रेडक्रसले सबैको सहयोग पाइरहेको र समुदायको मायाले नै रेडक्रस अगाडि बढेको धारणा व्यक्त गरे ।

रेडक्रसको अन्तर्राष्टिय महासंघका नेपाल प्रमुख जुजा किम, रेडक्रसको अन्तर्राष्टिय समिति आइसीआरसीका नेपाल सहयोग प्रमुख प्रमेश पौडेल, साझेदार राष्ट्रिय सोसाइटीका तर्फबाट क्यानेडियन रेडक्रसका नेपाल प्रमुख पिताम्बर अर्यालले नेपाल रेडक्रसले गरेका कामको प्रशंसा गर्दै अझै सबल र विश्वसनीय बनाउन सहयोगको प्रतिवद्धता व्यक्त गरे ।

दिवसको अवसर पारेर रेडक्रसप्रति माया झल्काउने फोटो प्रतियोगिता र नेरेसो कर्मचारी कल्याण कोषको संयोजनमा फुटबल, म्यारथन, चेसलगायतका खेलकुद प्रतियोगिताका विजेतालाई सोसाइटीका अध्यक्ष संजीव थापा र महामन्त्री देवरत्न धाख्वाले पुरस्कार र प्रमाण पत्र वितरण गरे ।

माया झल्काउने फोटोतर्फ धनकुटाका हरी राई, लोकप्रिय फोटो तर्फ रमा ढकाल, समूहगत फोटोतर्फ स्वयम्भू उपशाखा प्रेरणादायी फोटोतर्फ कमल बास्तोला र रचनात्मक फोटोतर्फ दिव्यराज पौडेल पुरस्कृत भए । नेरेसोमा कार्यरत कर्मचारीका छोराछोरीहरुतर्फ कक्षा ८ र एसइई परिक्षामा सर्वोत्कृष्ट हुनेलाई पनि पुरस्कार र प्रमाण पत्र वितरण गरिएको थियो ।

यसै अवसरमा सोसाइटीमा २५ वर्ष निरन्तर सेवा गर्नुभएका नौजना कर्मचारीहरुलाई सम्मान गरिएको थियो । सम्मानित हुनेहरुमा उमेशप्रसाद ढकाल, सुवर्ण कुमारी सिग्देल, धर्मकला मिश्र, माधवप्रसाद गुनी, मानवहादुर सिंह, इश्वरी पन्त, दुर्गा वेलवासे, हुतराज भट्टराई र नारायण शाही छन् । सम्मानित हुनेहरुको तर्फबाट बोल्दै नेरेसोका कार्यकारी निर्देशक उमेश प्रसाद ढकालले २५ वर्ष संस्थामा काम गर्दा आफूले मानवीय क्षेत्रका धेरै कुरा सिकेको र सेवाको अवसर प्राप्त भएको बताए ।

केन्द्रीय कार्यालयमा ४३ जनाले रक्तदान गरेका छन्, त्यस्तै रामेछाप, कैलाली, नेपालगञ्जलगायतका क्षेत्रमा पनि रक्तदान, सरसफाइ र विविध कार्यक्रम भए । नेरेसोका स्वयंसेवक तथा कर्मचारीहरुले प्रतिभा प्रर्दशन तथा साँस्कृतिक कार्यक्रमको पनि आयोजना गरेका थिए । दिवसको पूर्व सन्ध्यामा बुधबार केन्द्रीय कार्यालय परिसर सरसफाई गरिएको थियो ।

नेपाल रेडक्रसको स्थापना दिवसको अवसरमा देशभरीका ७ वटै प्रदेश, ७७ वटै जिल्ला शाखा र १५ भन्दा वढी उपशाखा र जुनियर युवा सर्कलहरुले विविध कार्यक्रमको आयोजना गरेका छन् । धादिङ र गोरखा जिल्लामा प्रभातफेरी र रक्तदान, पर्सामा प्रधानाध्यापकहरुसँगको अन्र्तक्रिया, पर्वतमा सरसफाई कार्यक्रम, बाँकेमा वृक्षारोपण र रक्तसमूह परिक्षण, भक्तपुरमा पत्रकार भेटघाट, सुर्खेतमा कविता वाचन जस्ता कार्यक्रमहरु सञ्चालन भएको सञ्चार निर्देशक दिव्यराज पौडेलले बताए ।

०२० भाद्र १९ गते नेरेसोको स्थापना भएको थियो । देशका सबै ठाउँमा रहेका नेपाल रेडक्रसका एक लाख भन्दा बढी स्वयंसेवक तथा कर्मचारीहरुले वर्षेनी औषत २५ लाख मानिसलाई सेवा पु¥याँउदै आएका छन् । नेरेसोका जुनियर युवालगायत १० लाख सदस्य छन् ।