भट्टराई र क्षेत्रीको निधनप्रति काँग्रेसद्वारा दुःख व्यक्त

काठमाडौं । काँग्रेसले चलचित्र विकास बोर्डका अध्यक्ष केशव भट्टराई र वरिष्ठ अभिनेता दीपक क्षेत्रीको निधनप्रति दुःख व्यक्त गरेको छ । काँग्रेसले आज विज्ञप्तिमार्फत उनीहरुको निधनप्रति भावपूर्ण श्रद्धाञ्जलि अर्पण गर्दै शोक सन्तप्त परिवारजनमा समवेदना प्रकट गरेको हो ।

काँग्रेस केन्द्रीय कार्यालयका मुख्यसचिव कृष्णप्रसाद पौडेलले विज्ञप्तिमार्फत भट्टराई र क्षेत्रीले नेपाली चलचित्र क्षेत्रमा उल्लेखनीय योगदान पु¥याएको बताउँदै उनीहरुको निधनबाट नेपाली चलचित्र क्षेत्रमा अपूरणीय क्षति पुगेको जनाएका छन् । भट्टराई र क्षेत्रीको आजै अन्त्यष्टि गरिएको छ ।

यसैगरी काँग्रेसले धनुषा सबैला–२ निवासी ८७ वर्षीय प्रजातन्त्र सेनानी बलराम नायक र नेपाल विद्यार्थी सङ्घका संस्थापक केन्द्रीय सदस्य चित्रबहादुर कार्कीको निधनप्रति दुःख व्यक्त गरेको छ । नेपालको लोकतान्त्रिक आन्दोलनमा उनीहरुले सक्रिय भूमिका निर्वाह गरेको उल्लेख गर्दै उनीहरुको निधनबाट पार्टीलाई अपूरणीय क्षति पुगेको काँग्रेसद्वारा जारी विज्ञप्तिमा उल्लेख छ ।