शनिबार थपिए १६ सय ७४ कोरोना संक्रमित, उपत्यकामा ८९९, कुन जिल्लाम कति?

काठमाडौं । गएको २४ घन्टामा आठ हजार एक सय ४४ जनाको पीसीआर परीक्षण गर्दा थप एक हजार ६ सय ७४ जनामा कोरोना सङ्क्रमण पुष्टि भएको छ।
त्यसमध्ये काठमाडौं उपत्यकामा मात्रै आठ सय ९९ सङ्क्रमित थपिएका छन्।

स्वास्थ्य तथा जनसङ्ख्या मन्त्रालयका अनुसार शनिबार थपिएका सङ्क्रमितसँगै कूल सङ्क्रमितको संख्या दुई लाख १८ हजार ६ सय ३९ पुगेको छ।

हालसम्म कोरोनाका कारण एक हजार ३०५ जनाको मृत्यु भएको छ। तीमध्ये एक लाख ९३ हजार तीन सय २५ सङ्क्रमणमुक्त भएका छन्। हाल देशभर २४ हजार नौ सक्रिय सङ्क्रमित छन्।

१७ हजार २०६ जना होम आइसोलेसनमा छन्। संक्रमितमध्ये तीन सय ३६ जनाको आइसीयू र ४७ जनाको भेन्टिलेटरमा उपचार भइरहेको मन्त्रालयले जनाएको छ।

गत २४ घन्टामा काठमाडौंमा ६ सय ८५, ललितपुरमा एक सय ६५ र भक्तपुरमा ४९, काभ्रेमा ५६, तनहुँमा ४४, कैलालीमा ४०, बाँकेमा ३९, कास्कीमा ७५, चितवनमा ६१, झापा र रुपन्देहीका ५७–५७, कपिलवस्तु र नवलपरासीमा ३३–३३, नवलपुरमा २८, मकवानपुरमा २५ र पाल्पाका १९ जना कोरोना सङ्क्रमित भएका छन्।

मन्त्रालयका अनुसार धादिङमा १८, बर्दियामा १७, धनुषामा ११, दाङमा १०, गोरखामा नौ र नुवाकोटमा आठ जनामा कोरोना सङ्क्रमण भएको छ।

शनिबार सिराहा, धनकुटा, सिन्धुपाल्चोक, बाग्लुङ, स्याङ्जा र रोल्पाका सात–सात, डडेलधुरा, पर्वत र बझाङमा ६–६, सुनसरी, बारा र लमजुङमा पाँच–पाँच जनामा कारोना पुष्टि भएको छ।

त्यसैगरी सर्लाही, रामेछाप, इलाम, अर्घाखाँची, दैलेख, गुल्मी र सल्यानमा चार–चार, महोत्तरी, दोलखा, म्याग्दी, प्युठान, अछाम र कञ्चनपुरका तीन–तीना, उदयपुर, सप्तरी र सिन्धुलीका दुई–दुई र बाजुरा, खोटाङ, भोजपुर, सोलुखुम्बु, रुकुमपूर्व, रुकुमपश्चिम, सुर्खेत र बैतडीमा एक–एक जनामा कोरोना पुष्टि भएको छ।

हाल मनाङ र मुगुमा एक जना पनि सङ्क्रमित छैनन्। काठमाडौँ, ललितपुर, भक्तपुर, झापा, मोरङ, सुनसरी, चितवन, काभ्रे, कास्की, दाङ, रुपन्देही र कैलालीमा पाँच सय भन्दा बढी सक्रिय सङ्क्रमित छन्।