इन्धन सहज, ५० ट्यांकर काठमाडौं आए
विराटनगर । ट्यांकर चालकले विभिन्न माग राखेर गरेको हडताल आजदेखि अन्त्य भएको छ ।
मोरङका प्रमुख जिल्ला अधिकारी रमेश केसीको पहलबाट पेट्रोल पम्पमा इन्धन वितरण भइरहेको बताइएको छ । कार्यालय प्रमुखको आजको बैठकमा प्रजिअ केसीले अन्य जिल्लामा पेट्रोलको समस्या रहे पनि मोरङमा आजबाट सहज भएको र काठमाडौंमा देखिएको पेट्रोल अभावलाई हटाउन विराटनगरबाट ५० वटा ट्यांकर त्यसतर्फ पठाएको जानकारी दिए ।
ट्यांकर चालकले असोज १ गतेबाट नै हडताल गरेको पेट्रोल डिलर एशोसिएशनका अध्यक्ष महेन्द्र अग्रवालले जानकारी दिए ।
