योगेशले भने : सात जना राखेर किन हेलिकोप्टर किन उडाइयो, समयले उत्तर माग्छ

काठमाडौं । नेकपाका स्थायी समिति सदस्य तथा ताप्लेजुङका प्रतिनिधि सभा सदस्य योगेश भट्टराईले ताप्लेजुङमा भएको दुर्घटनका सम्बन्धमा प्रश्न उठाएका छन् ।

त्यस क्षेत्रमा सानो हेलिकोप्टरमा ५ जना भन्दा बढि यात्रु राख्न नमिल्नेमा बुधबार दुर्घटना भएको हेलिकोप्टरमा ७ जना किन राखियो भन्दै भट्टराईले प्रश्न उठाएका छन् ।

उनले आफ्नो फेसबुक स्टाटसमा लेखेका छन् ‘भीआइपी उडानमा पाइलट सहित पाँच जनाभन्दा बढी पाथिभरामा उडान गर्न मिल्दैन भनेर केहीलाई सुकेटार वा ताप्लेजुङ् बजार मै झारेरमात्र पाथिभरा उडान गर्दै आएका छन् पाइलटहरुले । तर, आज मौसम् खराब हुँदाहुदै ७ जनालाई लिएर किन उडान गरियो? समयले उत्तर माग्छ ।’