सोनाल र कस्मताको ‘माया बस्छ कि के हो’बाट डेब्यू

काठमाडौं । निर्देशक राजु अधिकारीको निर्देशनमा माया बस्छ कि के हो नामक फिल्म निर्माण हुने भएको छ । शरद अधिकारी प्रस्तुकर्ता रहेको फिल्मको राजधानीमा आइतबार घोषणा गरिएको हो ।

जनपुकार मिडिया हाउसको ब्यानरमा बन्न लागेको प्रेमकथानक फिल्मबाट सोनाल तामाङ र कस्मता निरौलाले डेब्यु गर्दैछन् । फिल्ममा सोनाल र कस्मताका साथमा बेलायत निवास ध्रुव दत्त र बेल्जियमका बेनी ढुंगाना प्रमुख भूमिकामा रहने छन् ।

बेलायत, स्कटल्यान्डलगायतका युरोपका बिभिन्न देशमा छायांकन हुने फिल्मको कार्यकारी निर्मातामा बहादुरसिंह तामाङ (लामा) र कृष्ण गिरी छन् । रबिन्द्र बरालले खिच्ने फिल्मको सुटिङ असार दोश्रो सातादेखि सुरु हुने निर्देशक अधिकारीले जानकारी दिए । अर्जुन पोखरेलको संगीत, आरती अधिकारीको कथा, अनि मौनता श्रेष्ठको पटकथा, सम्वाद रहेको फिल्मको मुख्य सहायक निर्देशकमा दीपक अधिकारी छन् ।

आफूहङ उच्चकोटीको फिल्म बनाउने प्रयासमा रहेको प्रस्तुतकर्ता शरद अधिकारीले बताए । डेब्यु हिरो÷हिरोइन सोनाल र कस्मताले पहिलो फिल्मबाटै दर्शकले आफूहरुलाई मन पराउने बिश्वास ब्यक्त गरे । कार्यक्रममा चलचित्र निर्देशक समाजकी अध्यक्ष सुचित्रा श्रेष्ठ, चलचित्र निर्माता संघका महासचिव रोज राणा, अभिनेता सुन्दर श्रेष्ठलगायतले फिल्र्म सफलताको शुभकामना दिए ।