एजेन्सी। भारतमा एक विवाह समारोहमा आगलागी हुँदा १४ जनाको मृत्यु भएको छ।
भारतको झारखण्ड राज्यमा मंगलबार भएको आगलागीमा चार बालबालिका र १० महिलाको मृत्यु भएको हो।
समाचारअनुसार विवाह समारोह भइरहेका बेला एक निजी घरमा आगलागी भएको थियो। आगलागीमा परेर केही मानिस घाइते भएको भारतीय सञ्चारमाध्यमले जनाएका छन्।
आगलागी के कति कारणले भएको हो भन्नेबारे अुनसन्धान सुरु भएको प्रहरीले जनाएको छ।
