एजेन्सी। १६ औं संस्करणको ईन्डियन प्रिमियर लिग (आईपीएल) टी-ट्वान्टी क्रिकेट आजबाट सुरु हुदैछ ।
प्रतियोगिताको उद्घाटन विश्वकै ठूलो क्रिकेट स्टेडियम अहमदाबादमा हुदैछ । अहमदाबादमा हुने उद्घाटन खेलमा घरेलु तथा डिफेन्डिङ च्याम्पियन टोली गुजरात टाईटन्स र चेन्नाई सुपर किंग्सबीच प्रतिस्पर्धा हुनेछ ।
खेल नेपाली समयअनुसार साँझ पौने ८ मा सुरु हुनेछ । भारतका विभिन्न शहरमा आयोजना हुने आईपीएल क्रिकेट प्रतियोगितामा १० टोलीहरुको सहभागीता रहेको छ ।
१० टोलीलाई दुई समूहमा विभाजन गरिएको छ । समूह ए मा मुम्बई इन्डियन्स, कोलकत्ता नाईटराईडर्स, राजस्थान रोयल्स, दिल्ली क्यापिटल्स र लखनाउ सुपर जायन्ट्स रहेका छन् ।
समूह बी मा चेन्नाई सुपर किंग्स, सनराईजर्स हैदरावाद, गुजरात टाईटन्स, रोयल च्यालेन्जर्स बेंग्लोर र पन्जाब किंग्स रहेका छन् ।
आफ्नो समूहमा रहेका सबै टोलीसँग र अर्को समूहमा सोही नम्बरमा रहेका टोलीसँग समान २र२ तथा अर्को समूहका बाँकी टोलीसँग १-१ खेल हुनेछ ।
यसका अनुसार लिग तरणमा हरेक टोलीले १४ १४ खेल खेल्नेछ । ७४ खेल खेलिने आईपीएल आगामी २८ मे सम्म जारी रहने छ ।
