सिन्धुली। मंगलबार मध्यराति सिन्धुलीमा कार दुर्घटना हुँदा चार जनाको मृत्यु भएको छ
बिपी राजमार्गमा पर्ने कमलामाई नगरपालिका ३ को गढीगेट नजिकै भएको दुर्घटनामा मृत्यु हुने चारै जना भारतीय नागरिक भएको प्रहरीले जनाएको छ।
भारतीय नम्बरप्लेटको बीआर ०६ डिडी ०६८७ नम्बरको कार दुर्घटना हुँदा तीन जनाको घटनास्थल र एक जनाको सिन्धुली अस्पतालमा उपचारका क्रममा मृत्यु भएको प्रहरीले जनाएको छ। दुर्घटनामा एक जना घाइतेको भने उपचार भइरहेको छ। उनीहरुको परिचय खोज्ने काम भइरहेको छ।
