काठमाडौं। राष्ट्रिय स्वतन्त्र पार्टीका सभापति रवि लामिछानेका सवारी चालक तीन तलामाथिबाट खसेको अवस्थामा फेला परेका छन्।
गए राति भरतपुर महानगरपालिका ११ मा रहेको घाडाको घरको छतमा सुतेका लामिछानेका सवारी चालक शम्भु भनिने ३९ वर्षीय दिलबहादुर थापा छतबाट खसेको अवस्थामा भेटिएका हुन्।
सिन्धुपाल्चोकको बाह्रबिसे नगरपालिका ३ का थापाको खुट्टा र टाउकोमा गम्भीर चोट लागेको प्रहरीले जनाएको छ।
हिँजो सभापति लामिछानेलाई तनहुँको चुनावी सभामा लिएर गएका उनी साँझ फर्किएर चितवन आएका थिए। आज बारामा हुने चुनावी कार्यक्रममा लामिछानेलाई लिएर जाने कार्यक्रम थियो।
गम्भिर घाइते चितवनस्थित पुरानो मेडिकल कलेजका उपचार भइरहेको र घटनाबारे अनुसन्धान थालिएको प्रहरीले जनाएको छ।
