स्याङ्जा २ असार। स्याङ्जामा गए राति सवारी भएको दुर्घटनामा पूर्व नगरप्रमुखको निधन भएको छ।
बा १५ च १७०९ नम्बरको स्कारपियो दुर्घटना हुँदा चापाकोट नगरपालिकाका पूर्वप्रमुख शिव गिरीको निधन भएको हो।
जिप अनियन्त्रित भई दुर्घटना भएको जिल्ला प्रहरी कार्यालय स्याङ्जाले जनाएको छ।
राङखोलाबाट स्याङ्जातर्फ जाँदै गरेको स्कारपियो राति ११ बजे पुतलीबजार १० मा पर्ने सिद्धार्थ राजमार्गमा दुर्घटना भएको थियो।
चापाकोट ४ का ६० वर्षीय गिरीलाई उपचारका लागि जिल्ला अस्पताल स्याङ्जा लगिएको थियो।
अस्पतालले ११ बजेर ४० मिनेटमा मृत घोषणा गरेको हो।
