लुम्बिनी। नेपालका लागि भारतीय राजदूत नवीन श्रीवास्तवले गौतमबुद्ध अन्तर्राष्ट्रिय विमानस्थलको हवाइ रुटबारे छलफल सकारात्मक दिशातर्फ अघि बढेको बताएका छन्।
आज बिहान लुम्बिनीमा आयोजित योग दिवसका अवसरमा बोल्दै उनले भारत र नेपाल सरकारबीच हवाइ रुटको बारेमा भइरहेको छलफल सकारात्मक रुपमा अघि बढेको बताए।
दुई देशबीचको साँस्कृतिक सम्बन्धलाई कसरी अघि बढाउने भन्ने बारेमा छलफल गरिरहेको र सकारात्मक नतिजा आउने उनले बताए।
पछिल्लो समय योगा नेपाल र भारतमा मात्रै नभई विश्वभर फैलनु खुशीको विषय भएको उनले बताए।
