काठमाडौं,७ भदौ । एनएसजेएफ पल्सर स्पोर्ट्स अन्तर्गत पिपुल्स च्वाइस अवार्डको मनोनयन सार्वजनिक गरिएको छ ।
नेपाल खेलकुद पत्रकार मञ्चले शुक्रबार काठमाडौंमा एक कार्यक्रमको आयोजना गर्दै भदौ २८ गते हुने अवार्डका लागि पिपुल्स च्वाइस अवार्डको मनोनयन सार्वजनिक गरेको हो ।
मनोनयनमा क्रिकेटका गुलश्न झा, भलिबलकी कविता भट्ट, कबड्डीकी मानमती विष्ट, फुटबलकी प्रिती राई तथा रग्वीका श्रीराम श्रेष्ठ परेका छन् ।
२१औं संस्करणको स्पोर्ट्स अवार्डमा १० विधा समावेश गरिएको छ । वर्षका उत्कृष्ट पुरुष खेलाडी, वर्षका उत्कृष्ट महिला खेलाडी, वर्षका उत्कृष्ट युवा खेलाडी, वर्षका उत्कृष्ट प्रशिक्षक, पिपल्स च्वाइस अवार्ड, पारा एथलिट सम्मान, स्पेसल अवार्ड, टिम अफ दी एयर, लाइफटाइम एचिभमेन्ट अवार्ड, एसियन स्पोर्ट्स जर्नालिस्ट अवार्ड विधा रहने मञ्चले जनाएको छ ।
कार्यक्रममा अवार्डका लागि भोटिङ पार्टनरमा इसेवासँग एनएसजेएफले सम्झौता नविकरण गरेको छ ।
