विराटनगर। कोशी प्रदेशका आन्तरिक मामिला तथा कानुन मन्त्री लीलाबल्लभ अधिकारीले राजीनामा दिएका छन् ।
बुधबार अधिकारीले मुख्यमन्त्री हिक्मतकुमार कार्कीलाई राजीनामा बुझाएका हुन् ।
प्रदेश सरकारलाई जानकारी नदिई जापान भ्रमणमा गएको सन्दर्भलाई लिएर राजीनामा दिएको बताइएको छ ।
मुख्यमन्त्री कार्कीले विदेश भ्रमण गएको सन्दर्भ पदीय मर्यादाविपरीत भएको जनाउँदै राजीनामा दिन निर्देशन दिएका थिए ।
सोही निर्देशन अनुसार मन्त्री अधिकारीले राजीनामा दिएको मुख्यमन्त्री कार्कीका प्रेस सल्लाहकार विक्रम लुइटेलले जानकारी दिएका छन् ।
यस विषयमा मन्त्री अधिकारीले पत्रकार सम्मेलन आयोजना गर्न लागेका छन् ।
अधिकारी कार्तिक १३ गते जापान भ्रमणमा गएका थिए ।
