काठमाडौं । म्यानमारमा गएको ७.९ म्याग्निच्यूडको भूकम्पको पाँच दिनपछि एक जनाको जीवितै उद्धार गरिएको छ । म्यानमारको नेपिडोको एक होटल भवन भत्किएको भग्नावशेषबाट २६ वर्षीय कर्मचारीलाई उद्धार गरिएको राज्य प्रशासन परिषद्को सूचना टोलीले जनाएको छ ।
भग्नावशेषमा दुई जना फसेको र म्यान्मारको अग्नि सेवा विभाग र टर्कीको उद्धार टोलीले एक जनालाई सुरक्षित स्थानमा ल्याउन सफल भएको टोलीले जनाएको छ ।
स्थानीय समयअनुसार मङ्गलबार अपराह्न ३ बजे होटलको अप्रेसन शुरू भएको र स्थानीय समयअनुसार बुधबार बिहान १२:३० बजे ती व्यक्तिलाई उद्धार गरिएको हो ।
बाँकी फसेका व्यक्तिहरूको खोजी र उद्धारको प्रयास जारी रहेको बताइएको छ ।
म्यानमार भूकम्प
