काठमाडौँ । आइसिसी विश्वकप लिग-२ अन्तर्गत नेपालले युएईसँग प्रतिस्पर्धा गरिरहेको छ।
कीर्तिपुस्थित टियु मैदानमा जारी खेलमा नेपालले २९० रनको लक्ष्य दिएको छ।
टस जितेर पहिले ब्याटिङ थालेको नेपालले ५० ओभरमा ७ विकेट गुमाएर २८९ रन जोड्यो। उपकप्तान दीपेन्द्र सिंह ऐरीले शतकीय पारी खेले। ९४ बल खेलेका उनी १०० रनमा रनआउट हुन पुगे।
यस्तै, विनोद भण्डारीले ५६, रोहित पौडेलले ३९ तथा गुलशन झाले ४४ रन जोडे। बलिङतर्फ युएईका अजय कुमार र जुनैद सिद्धिकीले दुई-दुई तथा खुजैमा तनवीर हैदर अलीले एक-एक विकेट लिए।
यसअघिको खेलमा नेपालले युएईलाई ३७ रनले हराएको थियो।
