काठमाडौं ९ चैत। साफ यू-१७ महिला च्याम्पियनसीप फुटबलको दोस्रो खेलमा नेपालले भुटानलाई फराकिलो गोलअन्तरले हराएको छ।
ढाकाको मोस्ताफा कमल स्टेडियममा भएको खेलमा नेपालले भुटानलाई ५-० गोल अन्तरले हराएको हो।
नेपालका लागि सेनु परियार र वर्षा ओलीले दुई दुई गोल गरिन् भने दीपा रोकायाले एक गोल गरेकी थिइन्।
प्रतियोगितामा नेपालको यो पहिलो जित हो । जितसँगै नेपालले २ खेलमा ३ अंक जोडेको छ ।
सोमबार भएको पहिलो खेलमा नेपाल भारतसँग ४-१ गोल अन्तरले पराजित भएको थियो।
भुटानको यो लगातार दोस्रो हार हो । पहिलो खेलमा भुटानलाई बंगलादेशले ८-१ गोल अन्तरले हराएको थियो ।
प्रतियोगितामा आयोजक बंगलादेश, नेपाल, भारत, भुटान र रसियाको सहभागिता रहेकोछ।
अब नेपालले तेस्रो खेलमा आइतबार रुससँग खेल्नेछ ।
साफ यू-१७
