काठमाडौं। उच्च अदालत पोखराबाट सफाइ पाएको करिब १ महिनापछि अभिनेता पल शाह नियमित अभिनयमा फर्किएका छन्।
एक वर्षको जेल जीवनपछि उनको पहिलो म्युजिक भिडियो ‘सक्छौ र तिमी म बिना बाच्न ‘को केही दिनअघि काठमाडौं र पोखरामा छायांकन गरिएको छ।
नरेश बुढाथोकीको स्वर, सन्तोष सुनारको संगीत र राम अबिरल बिस्टको रचना रहेको गीतलाई दिलासा बस्नेतले निर्माण गरेका हुन्।
विकाश सुबेदीले निर्देशन गरेको भिडियोमा अभिनेता पलको जोडीमा सनिशा भट्टराई देखिने छिन्।
