आजबाट नयाँ वर्ष २०८० सुरु भएको छ।
गएको राति तितामिठा सम्झना गर्दै पुरानो वर्ष २०७९ को विदाइ र नयाँ वर्षको सर्वत्र स्वागत गरिएको छ।
आज बिशु पर्वका रुपमा नयाँ वर्षलाई सुदूरपश्चिममा भव्य स्वागत गरिँदैछ। पश्चिममा आजको दिन सिस्नो खेल्ने प्रचलन छ।
नयाँ वर्षका अवसरमा आज देशभर विभिन्न उत्सव र समारोहहरु आयोजना गरिएका छन्। व्यक्तिगत रुपमा पनि मानिसहरु परिवारसहित विभिन्न पर्यटकीय स्थलमा घुमघाम गर्न निस्किएका छन्।
आजबाट सुरु भएको वर्षले राजनीतिक स्थायित्व, आर्थिक सुधार र शान्तिको वातावारण सिर्जित हुने अपेक्षा आम रुपमा गरिएको छ।
