मोरङ। मोरङको बूढीगंगा गाउँपालिकामा रहेको राठी इन्डस्ट्रिज प्रालिमा आगलागी भएको छ।
बूढीगंगा ५ मा रहेको सञ्चालक राजेन्द्रकुमार राठीको इन्डस्ट्रिमा आगलागी भएको हो।
उद्योगले बिजुलीका बल्ब र स्वीच उत्पादन गर्दै आएको थियो। आज बिहान २ बजेदेखि लागेको आगो निभाउने प्रयास भइरहेको मोरङ प्रहरीले जनाएको छ।
आगो निभाउनका लागि एक दर्जन दमकलसहित नेपाल प्रहरी र सशस्त्र प्रहरी परिचालन गरिएको छ। आगलागीबाट उद्योगमा ठूलो क्षति भएको छ।
