काठमाडौं । थानकोटबाट चित्लाङ जाँदै गरेको कार दुर्घटना हुँदा दुईजनाको मृत्यु भएको छ भने तीनजना घाइते भएका छन्। जिल्ला प्रहरी परिसर काठमाडौंका सह-प्रवक्ता अनिल अधिकारीले कार दुर्घटनामा दुईजनाको मृत्यु र तीनजना घाइते भएको पुष्टि गरे।
मृत्यु हुनेमा कारका चालक २० वर्षीय नवराज थोकर तामाङ र ४५ वर्षीय अनिल तामाङ रहेका छन्। वा १० च ३५४६ नम्बरको मारुती कार पानीघाटनजिकै दुर्घटनामा परेको थियो।
दुर्घटनाको कारण भने खुलेको छैन। कारमा ५ जना सवार थिए।
