काठमाडौं,९ पुस । नेपाल सुपर लिग (एनएसएल) २०२३ मा आज देखि प्लेअफ चरणका खेलहरु हुँदैछन् । त्यो भनेको नकआउट खेल हुनेछ ।
९ टोली सहभागी एनएसएलमा लिग चरणका ३६ खेल सकिएपछि शीर्ष चार टोलीले प्लेअफमा स्थान बनाएका थिए ।
त्यसमा पहिलो शीर्ष स्थानमा रहेको पोखरा थण्डर्स र दोस्रो स्थानको धनगढी एफसीबीच आज पहिलो क्वालिफायर हुनेछ ।
खेल त्रिपुरेश्वरस्थित दशरथ रंगशालमा साँझ साढे ५ बजे सुरु हुनेछ । यो खेल सेमिफाइनल जस्तै हुनेछ । जित्ने टिम सीधै फाइनल पुग्नेछ र उपाधिको एक कदम नजिक आफूलाई उभ्याउनेछ ।
