काठमाडौं । दक्षिण भारतीय अभिनेता अल्लू अर्जुन र रश्मिका मन्दना अभिनीत फिल्म ‘पुष्पा २: द रूल’ ५ डिसेम्बरदेखि रिलिज हुँदैछ।
फिल्मको अग्रिम टिकट बुकिङ ३० नोभेम्बर राति १२ बजेदेखि खुला गरिएको थियो। अग्रिम टिकट बुकिङबाट फिल्मले राम्रो कमाइ गरिरहेको छ।
भारतीय सञ्चारमाध्यम दैनिक भास्करका अनुसार फिल्मको २४ घण्टामा ३ लाखभन्दा बढी टिकट बिक्री भएको छ। फिल्मले अग्रिम टिकट बुकिङबाट १० करोड भारू कमाएको छ। यस फिल्मले अग्रिम टिकट बुकिङमा शाहरूख खानको ‘पठान’ लाई पछाडि पारेको छ। सन् २०२३ मा प्रदर्शन भएको फिल्म ‘पठान २’ को २४ घण्टामा २ लाखभन्दा कम टिकट बिक्री भएको थियो।
सुकुमार निर्देशित फिल्म ‘पुष्पा २’ मा अल्लु अर्जुन, रश्मिका मन्दना र फहद फासिलको मुख्य भूमिका छ। यो फिल्म तमिल, तेलुगू, मलयालम, कन्नड र हिन्दी गरी पाँच भाषामा रिलिज हुनेछ।
