काठमाडौं । राजधानीमा जारी नेपाल प्रिमियर लिग एनपीएलमा कर्णाली याक्सले काठमाडौं गुर्खाजलाई १५० रनको लक्ष्य दिएको छ । टस हारेर पहिला ब्याटिङ गरेको कर्णालीले निर्धारित ओभरमा ५ विकेट गुमाएर १४९ रन बनायो ।
कर्णालीका लागि स्टार खेलाडी शिखर धवनले अर्धशतकीय पारि खेल्दै दर्शकहरुलाई भरपुर मनोरञ्जन पनि दिाए । उनले ५१ बलमा ७२ रनको पारि खेल्दा ४ चौका र ५ छक्का प्रहार गरे ।
त्यसैगरी चाडविक वाल्टनले १५ बलमा २१ रन बनाउँदा ५ चौका हिर्काए । त्यस्तै, बाबर हायातले १८ बलमा १३ रन बनाउँद्या गुल्सन झाले १९ बलमा १२ रन योगदान गरे । यस्तै, जिसन मक्सुदले ११ बलमा १३ रनमा नटआउट रहे ।
अर्जुन घर्ती ४ तथा देव खनाल सून्य रनमै आउट भए ।
काठमाडौंका करण केसीले ३ ओभरमा १९ रन खर्चिएर १ विकेट लिँदा जेराड एरासमस ४ ओभरमा २९ रन दिएर २ विकेट लिए । यस्तै, नाथन सोटरले ४ ओभरमा ३२ रन दिएर १ विकेट लिए । दीपेश कँडेलले १ ओभरमा ७ रन दिएर १ विकेट लिँदा रासिद खानले ४ ओभरमा २८ रन खर्चिए । सहाव आलमले १ ओभरमा १० रन दिए । भीम सार्कीले ३ ओभरमा १८ रन खर्चिए ।
