काठमाडौँ । नेपाल विद्युत प्राधिकरणले चालु आर्थिक वर्ष २०८१/८२ को पहिलो ६ महिनामै ११ अर्ब ३६ करोड नाफा गरेको छ। प्राधिकरणका अनुसार साउनदेखि पुस मसान्तसम्मको अवधिमा प्राधिकरणले विगत वर्षहरुको भन्दा उल्लेख नाफा गरेको हो।
प्राधिकरणले ६ महिना विद्युत बिक्री, ब्याज तथा अन्यबाट जम्मा ७० अर्ब ४४ करोड रुपैयाँ आम्दानी गर्दा खर्च भने ५९ अर्ब ८ करोड रुपैयाँ भएको छ।
प्राधिकरण आर्थिक वर्ष २०७३/७४ देखि निरन्तर नाफामा छ। कुलमान घिसिङ प्राधिकरणको कार्यकारी निर्देशक भएर आएपछि लोडसेडिङ हट्नुका साथै संस्थान नाफामा जान लागेको हो।
आव २०७२/७३ मा ८ अर्ब ८९ करोड वार्षिक घाटामा रहेको प्राधिकरण त्यसपछिका वर्षहरुबाट निरन्तर नाफामा छ । गत वर्ष १४ अर्ब ४६ करोड रुपैयाँ नाफा आर्जन गरेको प्राधिकरणले यस वर्षको आधा अवधिमै ११ अर्ब नाफा सुरक्षित गरेको हो।
प्राधिकरणले राम्रा आर्थिक उपलब्धि हासिल गरिरहँदा सरकार भने उनलाई हटाउने उपायको खोजीमा छ।
कुलमान घिसिङ नेपाल विद्युत प्राधिकरण
