काठमाडौं। आर्थिक वर्ष २०८१/८२ मा एभरेष्ट बैंकले करिब ५ अर्ब रुपैयाँ नाफा कमाएको छ।
बैंकले सार्वजनिक गरेको वित्तीय विवरणअनुसार गत आर्थिक वर्षमा ४ अर्ब ९१ करोड ८१ लाख ६५ हजार रुपैयाँ खुद नाफा कमाएको हो।
सो नाफा अघिल्लो आर्थिक वर्ष २०८०/८१ को तुलनामा ३२.८० प्रतिशत बढी हो। अघिल्लो आर्थिक वर्षमा बैंकको बैंकले ३ अर्ब ७० करोड ३२ लाख २५ हजार रुपैयाँ खुद नाफा कमाएको थियो।
बैंकले गत आर्थिक वर्षमा २ खर्ब ९८ अर्ब ८१ करोड ८४ लाख रुपैयाँ निक्षेप संकलन गर्दै २ खर्ब १३ अर्ब ६२ करोड ३५ लाख रुपैयाँ कर्जा लगानी गरेको छ।
सो अवधिमा बैंकको खुद ब्याज आम्दानी ९ अर्ब १२ करोड ९३ लाख ८८ हजार रुपैयाँ भएको छ।
हाल बैंकको चुक्तापूँजी १२ अर्ब ९४ करोड ४६ लाख ९४ हजार रुपैयाँ छ।
एभरेष्ट बैंक नाफा
