धनगढी । नागरिक लगानी कोष र निसर्ग हस्पिटलबीच स्वास्थ्य सेवा सुविधा उपलब्ध गराउने सम्झौता भएको छ।
सम्झौताअनुसार कोषका कर्मचारी, सेयरधनी र कोषमा आबद्ध सहभागीहरूले निसर्ग हस्पिटलमा उपचार गर्दा ५ देखि २५ प्रतिशतसम्म छुट पाउनेछन्।
सम्झौतामा निसर्ग हस्पिटलका अध्यक्ष तिर्थराज पन्त र नागरिक लगानी कोषका शाखा प्रमुख दिपक घिमिरे ले हस्ताक्षर गरेका छन्।
निजी क्षेत्रबाट सञ्चालित निसर्ग हस्पिटल सुदूरपश्चिममै स्तरीय स्वास्थ्य सेवा प्रदान गर्दै आएको अस्पताल हो। १०० शैयाको क्षमता भएको यस अस्पतालले २४ सै घन्टा स्वास्थ्य सुविधा उपलब्ध गराउँदै आएको छ।
यस सम्झौताले कोषमा आबद्ध व्यक्तिहरूलाई गुणस्तरीय स्वास्थ्य सेवा अझ सुलभ बनाउने अपेक्षा गरिएको छ।
नागरिक लगानी कोष निसर्ग हस्पिटल
