गजल

० उषा जोशी

मर्ने अनि मारिनेहरु, सालिक भएछन्
भ्रष्ट र दुराचारी यहाँ, मालिक भएछन्

कसैका अपराधमा जलप लगाइयो
कति अपराधी, नाबालिग भएछन्

मूर्ति लुट्ने बाबु, चोली च्यात्ने छोरा
सुशासनका कुरा सबै, कालिक भएछन्

आफू राजा बन्नलाई, राजा फाल्नेहरु
गणतन्त्रको नकाबभित्र, जालिक भएछन्

जनयुद्धले बाबु खोस्दा, गर्भमै थ्यो छोरा
हेर्दाहेर्दै खाडी पस्ने, बालिग भएछन्

सम्बन्धित खवर

लक्ष्मीप्रसाद देवकोटाको १ सय १६ औँ जन्मजयन्ती, विविध कार्यक्रम गरी मनाइयो

अनमोलको ‘अन्तिम कुमारी रात’ बिर्तामोडमा लोकार्पण

‘कान्छी मट्याङट्याङ’का गायक जोशीको निधन