नयाँ दिल्ली, २२ जेष्ठ । बलिउड अभिनेत्री कंगना रनौटले भारतीय जनता पार्टीको तर्फबाट हिमाचल प्रदेशको मंडी लोकसभा सीटबाट चुनाव लडेकी छिन् ।
कंगनाले चुनाव प्रचार-प्रसारमा कुनै पनि ठाउँ छाडेकी थिइनन् । उनले विभिन्न र्याली र सभामा मानिससंग उनीहरुको उज्जवल भविष्यको वाचा गरेकी छिन् ।
अहिले कंगनाको मेहनतता सफल हुन लागेको छ । मंगलवार लोकसभाको चुनाव परिणामको रुझानमा कंगना आफ्ना प्रतिद्वन्दि कांग्रेसका विक्रमादित्य सिंहभन्दा अगाडि छिन् ।
आज दिउँसो २ बजेको मत परिणाम अनुसार कंगना करीब ७० हजार भोटले अगाडि छिन् । कंगना आफ्नो जीतप्रति आश्वस्त छिन् । चुनाव परिणाम आइरहदा कंगनाले सामाजिक सन्जालमा केहि तस्विर शेयर गरेकी छिन् ।
ती तस्विरहरुमा कंगना मन्दिरमा पूजा गरेर आफ्नी आमासंग आशीवार्द लिँदै गरेको देखिन्छ । एउटा तस्विरमा कंगनाकी आमाले उनलाई दही-चिनी खुवाउँदै गरेको देखिएको छ । कंगनाले क्याप्शनमा लेखेकी छिन् – ‘आमा ईश्वरको रुप हो, आज मेरी आमाले मलाई दही-चिनी खुवाउँदै छिन् ।’
