९ भदौ । रामेछापको दोरम्बा शैलुङ गाउँपालिका-३ लेखर्कमा पहिरोमा परी ६ जनाको मृत्यु भएको छ । उक्त पहिरोमा परेका चार जना अझै हराइरहेका छन् ।
शनिबारदेखि भएको अविरल वर्षापछि पहिरो गएको हो । पहिरोमा पुरिएकामध्ये चार जनाको शव निकालिएको छ भने हराइरहेकाहरूको खोजी भइरहेको छ ।
स्थानीय र प्रहरीले उद्धारको प्रयास गरिरहेका छन् । ठूलो पहिरो गएकाले उद्धारमा कठिनाइ भइरहेको जनाइएको छ । पहिरोले ३ वटा घर र एउटा पक्की पुल बगाएको छ ।
पहिरोमा परी ३० वर्षीया चण्डिका र उनका २ वर्षका छोरा छन् भने अन्य चार जनाको पहिचान भइसकेको छैन । पहिरोमा परेका एक जनाको सकुशल उद्धार गरिएको प्रहरीले जानकारी दिएको छ ।
पहिरोमा परी पाँच घर बगेका थिए । त्यस्तै ढोइगाउँ खोलाको पुलसमेत पहिरोले बगाएको छ ।
