काठमाडौं। त्रिकोणात्मक टी–२० सिरिज अन्तर्गत आज नेपाल र क्यानडाबीच प्रतिस्पर्धा हुँदैछ । खेल क्यानडाको ओन्टारियोस्थित किंग सिटी स्टेडियममा नेपाली समयअनुसार राति पौने १० बजे सुरु हुनेछ ।
यस सिरिजमा अहिलेसम्म नेपाल, क्यानडा र ओमानले २–२ खेलमा एक–एक जित र एक–एक हार बेहोरेका छन् ।
नेपाल र क्यानडाबीच अहिलेसम्म केवल दुईवटा टी–२० खेल भएको छ । जसमा नेपालले एक र क्यानडाले एक खेल जितेका छन् ।
सिरिजमा नेपालले अर्को खेल बुधबार ओमानसँग खेल्ने तालिका छ ।
