धनगढी । धनगढीको हसनपुरमा रहेको ब्राईटवे पब्लिक स्कुलले आज ३४ औँ अन्तर्राष्ट्रिय ज्येष्ठ नागरिक दिवसको अबसरमा मानबसेवा आश्रम धनगढीमा फलफूल तथा जुस बितरण गरेको छ ।
स्कुलको मन्टेस्वरी ब्लकले यु.के.जि.मा अध्ययनरत कलिला बाल-बालिकाहरुलाई ज्येष्ठ नागरिकलाई सम्मान र माया गर्नुपर्दछ भन्ने सन्देश दिन यो कार्यक्रम गरिएको स्कुलकी मन्टेश्वरी संयोजक सिना बोहोराले बताईन ।
विश्वभरि नै आजको दिनलाई अन्तर्राष्ट्रिय ज्येष्ठ नागरिक दिवसका रूपमा मनाउने गरिएको छ । ‘सम्मानित बुढ्यौली : विश्वव्यापी रुपमा स्याहार तथा सहयोग पद्धतीको सबलीकरण’ भन्ने नारासहित विश्वभर यो दिवस मनाइँदैछ ।
ब्राईटवे पब्लिक स्कुल पछिल्लो समय पढाईका अलावा अन्य अतिरिक्त क्रियाकलापमा समेत जोड दिदै आएको छ ।
