धनगढी । कैलाली र डडेल्धुराबाट साढे ४ लाख बढी नगदसहित ३७ जना पक्राउ परेका छन् ।
तिहारमा तास खेलिरहेको अवस्कैथामा लालीबाट ९ र डडेल्धुराबाट २८ जना पक्राउ परेका हुन।
उनीहरूबाट चार लाख ६८ हजार रुपैयाँसमेत जफत गरिएको प्रहरीले जनाएको छ ।
कैलालीको घोडाघोडी नगरपालिका–६ अस्नाराका सहदेब भट्टको कुखुरा फर्ममा जुवातास खेलिरहेको अवस्थामा ३२ वर्षीय नेत्र साउदसहित ९ जनालाई पक्राउ गरिएको छ।
उनीहरुको साथबाट २६ हजार ४२० रुपैयाँ नगद र तास बरामद गरिएको प्रहरीले जनाएको छ ।
उतार डडेल्धुराको गन्यापधुरा गाउँपालिका ३ को गोयल खेतका ३२ वर्षीय दिपक देउवाको घरमा जुवातास खेलिरहेका २८ जनालाई प्रहरीले पक्राउ गरेको छ।
प्रदेश प्रहरी कार्यालयका अनुसार उनीहरुको साथबाट ४ लाख ४१ हजार ८६९ रुपैयाँ नगद र १६ गड्डी तास बरामद गरिएको छ।
उनीहरूमाथि थप अनुसन्धान भइरहेको प्रहरीले जनाएको छ।
जुवातास
