काठमाडौं । सुदूरपश्चिम रोयल्सले नेपाल प्रिमियर लिग (एनपीएल) क्रिकेटमा पहिलो हार बेहोरेको छ । आइतबार भएको खेलमा सुदूरपश्चिम चितवन राइनोजसँग ३३ रनले पराजित भएको हो ।
त्रिवि क्रिकेट मेदानमा चितवनले दिएको १६५ रनको लक्ष्य पछ्याएको सुदूरपश्चिम रोयल्सले १८ ओभर २ बलमा सम्पूर्ण विकेट गुमाउँदै १३१ रन बनाएको हो ।
सुदूरपश्चिमका लागि इसान पाण्डेले ३५ रन बनाए । त्यस्तै साइब जेबले १८ रनको योगदान गरे । चितवनका लागि रिजन ढकाल, कुशल मल्ल, जान निकोल र अमर राउटेलाले दुई दुई विकेट लिए ।
त्यसअघि टस जितेर पहिले ब्याटिङ गरेको चितवनले निर्धारित २० ओभरमा ५ विकेट गुमाएर १६४ रन बनाएको थियो । चितवनका लागि हसन एसाखिलले ६५ रनको अर्धशतकीय पारी खेले । ५२ बल खेलेका उनले ६ चौका र ३ छक्का प्रहार गरे । त्यस्तै रवी बोपराले ३६ रन बनाए ।
सुदूरपश्चिमका लागि स्कोट कुगेलिन्जले दुई विकेट लिए । प्रतियोगितामा सुदूरपश्चिम पहिलो खेलमा पराजित भएको हो । लिगमा सुदूरपश्चिमले चार खेल खेल्दै तीन जित र एक हारसँगै ६ अंक जोडेर अंक तालिकाको दोस्रो स्थानमा छ । यता सामान खेले खेलेको चितवन ६ अंकका साथ तेस्रो स्थानमा छ ।
