काठमाडौं । नेप्से परिसूचक आज पनि दोहोरो अंकले घटेर बन्द भएको छ। अघिल्लो कारोबार दिन आइतबार १०.४१ अंकले घटेर बन्द भएको नेप्से आज १०.६१ अंकले घटेर २६३३.३२ विन्दुमा अडिएको छ।
नेप्से घटेसँगै कारोबार रकम पनि आइतबारको तुलनामा घटेको छ। आइतबार ९ अर्ब १२ करोड बराबरको सेयर कारोबार भएको थियो। आज ३१२ स्क्रिप्सको १ करोड ७२ लाख ५३ हजार ५७६ कित्ता सेयर ८ अर्ब ९२ करोड ४० लाख ६५ हजार ८८८ रुपैयाँमा खरिदबिक्री भए।
यसदिन एउटा मात्रै कम्पनीको सेयर सकारात्मक सर्किट लेभलमा कारोबार भयो। न्यादी हाइड्रोपावरको सेयर १० प्रतिशतले बढ्यो। जानकी फाइनान्सको ९.९८ प्रतिशतले बढ्दा ग्रीन डेभलपमेन्ट बैंकको ९.९७ सामुदायिक लघुवित्त वित्तीय संस्थाको ९.९६ र बोटलर्स नेपाल को सेयर ८.२४ प्रतिशतले बढ्यो।
सप्तकोशी डेभलपमेन्ट बैंकको सेयर सर्वाधिक ८.४६ प्रतिशतले घट्यो। कारोबार रमका आधारमा सिन्धु विकास बैंक शीर्षस्थानमा रह्यो। सो बैंकको २९ करोड ८३ लाख ७९ हजार ८१३ रुपैयाँको सेयर कारोबार भयो।
यसैगरी सप्तकोशी डेभलपमेन्ट बैंकको २८ करोड,एनआरएन इन्फ्रास्टक्चर एण्ड डेभलपमेन्टको २६ करोड र माउन्टेन इनर्जी नेपालको २३-२३ करोड र हिमालयन रिइन्स्योरेन्सको २३ करोड मूल्य बराबरको सेयर कारोबार भयो।
कारोबारमा आएका १०५ स्टक्सको मूल्य बढ्दा १२९ वटाको घट्यो। ९ वटा स्टक्सको मूल्य भने स्थिर रह्यो। पाँच समूहको उपसूचक सकारात्मक देखिदा ८ वटाको उपसूचक नकारात्मक देखिएका छन्।
नेप्से
