काठमाडौं । सरकारले काठमाडौंको तीनकुने घटनामा ज्यान गुमाएकाहरूको परिवारलाई जनही १० लाखका दरले आर्थिक सहयोग गर्ने भएको छ ।
गृहमन्त्रीस्तरीय निर्णयबाट मृतक सुरेश रजक र सविन महर्जनको परिवारलाई १०–१० लाख रुपैयाँ उपलब्ध गराउने निर्णय गरिएको गृहमन्त्री रमेश लेखकको सचिवालयले जनाएको छ ।
राजावादीले चैत १५ गते काठमाडौंको तीनकुनेमा आयोजना गरेको प्रदर्शनका क्रममा दुई जनाको ज्यान गएको थियो । पत्रकार रजकको आगोमा जलेर र कीर्तिपुरका महर्जनको गोली लागेर ज्यान गएको थियो ।
आन्दोलनका क्रममा घाइतेहरुको उपचार भइरहेको छ । आन्दोलनकारीले तोडफोड र आजगनी गर्दा ठूलो आर्थिक क्षति समेत पुगेको छ ।
तीनकुने घटना
