काठमाडौं । नेपाल राष्ट्र बैंकले बजारबाट आज थप ५० अर्ब रुपैयाँ बराबरको तरलता खिच्ने भएको छ।
बैंकिङ प्रणालीमा नगद प्रवाह भएर तरलता बढ्न थालेपछि त्यसलाई व्यवस्थापन गर्न राष्ट्र बैंकले आपतकालीन रुपमा बजारबाट निक्षेप उठाउन लागेको हो।
भदौ १५ गते मात्र ५५ अर्ब तानेको बैकले पुनः २५ दिनका लागि ५० अर्ब रुपैयाँ निक्षेप उठाउन लागेको हो । बैंकले छोटो अवधिमा लगातार रुपमा बजारबाट पैसा उठाउन लागेको हो।
बैंकले विभिन्न विशेषता एवं शर्तहरु कायम गरी चार दिनको लागि निक्षेप संकलनको बोलकबोल तथा निष्काशन गर्ने भएको हो ।
निक्षेप संकलनको ब्याजदर बोलकबोलको माध्यमबाट निर्धारण हुनेछ भने साँवा तथा ब्याज भुक्तानी असोज १२ गते हुने बैंकले जनाएको छ।
तरलता नेपाल राष्ट्र बैंक
