चितवन। प्रतिनिधिसभा उपनिर्वाचनमा चितवन २ मा रास्वपाका सभापति तथा उम्मेदवार रवि लामिछानेलाई ५० हजारभन्दा बढी मत प्राप्त भएको छ
यो मंसिर ४ को निर्वाचनभन्दा बढी मत हो। पछिल्लो मतपरिणाम अनुसार लामिछानेले ५० हजार २९ मत पाएका छन्।
कांग्रेस भने रास्वपाभन्दा पाँच भाग पछाडि छ। कांग्रेसका उम्मेदवार जीतनारायण श्रेष्ठले जम्मा ९ हजार १ सय ६५ मत पाएका छन्।
त्यस्तै नेकापा एमालेका उम्मेदवार रामप्रसाद न्यौपानेले झनै पछाडि परेका छन्। उनले ८ हजार ८ सय ७७ मत पाएका छन्।
चितवन २ मा कुल ७८ हजार २ सय ७७ मत खसेको थियो। जसमध्ये ७० हजार २ सय ३९ गनिसकिएको छ।
अब जम्मा ८ हजार ३८ मत गन्न बाँकी छ। रवि लामिछाने ४० हजार ८ सय ६४ मतले अगाडि छन्।
