काठमाडौं । नेपाली बजारमा सुनको मूल्यले रेकर्ड बनाएको छ ।
नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा १ हजार ८ सय रूपैयाँले बढेर १ लाख ४४ हजार रूपैयाँमा कारोबार भइरहेको छ ।
यो अहिलेसम्मकै उच्च मूल्य हो । बिहीबार तेजाबी सुनको मूल्य तोलाको १ लाख ४३ हजार ३ सय रूपैयाँ कायम भएको छ ।
यस्तै, आज चाँदीको मूल्य पनि तोलामा २५ रूपैयाँले बढेर प्रतितोला १ हजार ८ सय ५० रूपैयाँमा कारोबार भइरहेको महासंघले जनाएको छ ।
