Logo
८ साउन २०८१, मंगलबार

गृहमन्त्री लामिछानेविरुद्धको मुद्दामा बहस सकियो, आजै फैसला सुनाउने तयारी

अक्षरपाटी
२०८१ असार २० , बिहीबार ०२:०७ मा प्रकाशित

काठमाडौं, २० असार । उपप्रधान एवं गृहमन्त्री तथा रास्वपाका सभापति रवि लामिछानेलाई निलम्बन गर्न माग गर्दै दायर भएको रिटमा बहस सकिएको छ ।

न्यायाधीशद्वय सपना प्रधान मल्ल र शारंगा सुवेदीको इजलासमा हेर्दा हेर्दै रहेको मुद्दाको बहस केही बेर अघि सकिएको हो । न्यायाधीशद्वय अहिले फैसला लेख्न थालेका छन् । सकेसम्म आजै फैसला सुनाउने तयारी भइरहेको बताइएको छ ।

सहकारी ठगीमा नाम जोडिएका गृहमन्त्री लामिछानेलाई महान्यायाधिवक्ता कार्यालयले उजुरी र अभियोजन नरहेको भन्दै पत्र दिएको थियो ।

कास्कीमा सूर्य दर्शन सहकारीका पीडितले लामिछानेविरुद्ध किटानी जाहेरी दिए पनि महान्यायाधिवक्ता कार्यालयले लामिछानेलाई ‘क्लिन चिट’ दिएपछि अधिवक्ता भट्टराईले रिट दायर गरेका थिए ।