काठमाडौं। काठमाडौंको नक्सालस्थित टेस्ला शोरूममा लागेको आगलागी नियन्त्रणमा आएको छ।
शुक्रबार दिउँसो सवा १२ बजे काठमाडौं महानगरपालिका वडा नम्बर ५ स्थित नक्सालमा रहेको टेस्ला गाडीको शोरूममा लागेको आगलागी नियन्त्रणमा आएको हो।
शोरूममा रहेका गाडीहरूमा भने क्षति नपुगेको प्रहरीले जनाएको छ।
आगलागी भएको जानकारी आएपछि काठमाडौं महानगरपालिका र प्रहरी प्रधान कार्यालयको दमकल प्रयोग गरी निभाइएको हो।
क्षति विवरण भने आइसकेको छैन।
आगलागी कसरी भएको भन्नेबारे प्रहरीले अनुसन्धान गरिरहेको छ।
