काठमाडौं । प्रतिष्ठित संगीतकार, गायक तथा लेखक प्राज्ञ संगीतकार शान्तिराम राईको एकल सांगीतिक साँझ हुने भएको छ।
खोटाङ कलाकार समाजले श्रष्ठा सम्मानमा पहिलो पटक आयोजना गर्न लागेको राईको एकल सांगीतिक साँझ आगामी मंसिर १३ गते काठमाडाैंमा हुने खोटाङ कलाकार समाजका अध्यक्ष रुपकुमार राईले बताए।
काठमाडौंमा प्रेसमिटको आयोजना गर्दै खोटाङ कलाकार समाजले खोटाङको अग्रज कलाकारहरुको सम्मानार्थ नियमित रुपमा वार्षिक एकल सांगीतीक सांझ कार्यक्रम गर्ने उदेश्य लिएर अगाडी बढेको पनि रुपकुमारले बताए।
प्रेसमिटमा बोल्दै प्राज्ञ संगीतकार शान्तिराम राईले आफ्नो संर्घष र नेपाली संगीत क्षेत्रमा दिएको योगदान बुझेर एकल सांगीतिक साँझका लागि आयोजक संस्था खोटाङ कलाकार समाजलाई धन्यवाद दिए ।
शान्तिरामले भने, ‘मेरो जीवन नै संगीतमा समर्पण गरेको मान्छे हो, र बाँकि जीवन पनि संगीतमै रहनेछु। यो शान्तिराम राईको मात्र एकल शो होइन, हामी सबै खोटाङ्गेहरुको हो। भोलि यो शो डुब्यो भने सबै खोटाङ्गेहरुको शिर झुक्छ होला।’
प्रेसमिटमा शान्तिराम राईको एकल सांगीतिक साँझलाई दिक्तेल रुपाकोट मझुवागढि नगरपालिकाका मेयर तिर्थराज भट्टराई, माननिय सासंद बिशाल भट्टराई, नेता विष्णु राई, ब्यावसायि टंक श्रेष्ठ लगायतले शुभकामना दिएका थिए।
प्राज्ञ शान्तिराम राई रेडियो नेपालमा २०४६ सालमा, लोकगीततर्फ स्वरपरीक्षा उतिर्ण गरि नेपाली सांगीतिक क्षेत्रमा निरन्तर ३६ वर्षदेखि संगीत सिर्जनामै ब्यास्त रहेका छन्।
हालसम्म १५सय भन्दा बढी संगीत सृजना गरिसकेका शान्तिरामको एकल साझमा क्रमश ‘तिमी तारे भीर म त लहरा’, ‘धोका दियौ तिमिले’, ‘छालहरु ओ छालहरु’, ‘आईडी काँडैले’ र ‘ए पहराकी फूल’ लगायत सदावहार गीतहरु प्रस्तुत हुनेछन् ।
कार्यक्रममा प्राज्ञ शान्तिरामको संगीतवद्ध गीतहरुलाई दीप श्रेष्ठ, सुक्मित गुरुङ, पवित्रा सुब्बा, राजेशपायल राई राई इज किङ, मेलिना राई लगायत धेरै नयाँ–पुराना पुस्ताका गायक गायिकाहरु मार्फत प्रस्तुती हुने पनि आयोजकले जानकारी दिएको थियो ।
२०७७ सालमा स्थापना भएको खोटाङ कलाकार समाजले खोटाङको नै इतिहासमा पहिलो पटक खोटाङ सांगीतीक सांझ २०७९ कार्यक्रम प्रज्ञा भवन कमलादी काडमाडौंमा आयोजना गरी १०० जना गायक गायिकाले गायन र १०० जना नृत्याँगनाले नृत्य प्रस्तुत गरेको थियो । खोटाङका १० ओटै पालिकाहरुमा गायन र नृत्य प्रतीयोगिता कार्यक्रम गरी पालीका प्रतिभा २०८० सम्पन्न गरेको थियो।
‘मुस्कुराउछ सधै भरी मेरो खोटाङ’ बोलको गीत सार्वजनिक
खोटाङ कलाकार समाजद्वारा निर्माण गरिएको ‘मुस्कुराउछ सधै भरी मेरो खोटाङ’ बोलको गीत पनि सार्वजनिक गरिएको थियो। खोटाङका एक सय एघार जना कलाकारहरुको स्वर रहेको गीतमा गितकार टंक भट्टराईको शब्द, बरिष्ठ संगितकार महेश खड्काको संगित, देबेश राईको एरेन्ज, लिम्दुमि कृयशन रेकर्डिङ स्टुडियो रहेको छ ।
यो म्युजिक भिडियोलाई युवा पुस्तामाझ ब्यास्त निर्देशक राजेश पुमा राईले निर्देशन गरेका छन् ।
शान्तिराम राई