साउदी । बैदेशिक रोजगारीको क्रममा विभिन्न देशबाट साउदी पुगेर विभिन्न कानुन उल्लंघन गरेको आरोपमा २५ हजार १ सय ५० अवैध आप्रवासीलाई पक्राउ गरिएको छ। पक्राउ पर्नेमा १७ हजार ८८६ जना रेसिडेन्सी कानुन उल्लङ्घन गर्ने, ४ हजार २४७ जना सीमा सुरक्षा कानुन उल्लङ्घन गर्ने र ३ हजार १७ जना श्रम कानुन उल्लङ्घन गर्नेहरू रहेका छन् ।
कानुन उल्लङ्घन गर्ने कूल ३० हजार ५२८ जनालाई यात्रा कागजातहरू प्राप्त गर्न तिनीहरूको कूटनीतिक नियोगहरूमा पठाइएको थियो । जसमा २ हजार ४२० जना कानुन उल्लङ्घन गर्नेहरूलाई उनीहरूको यात्रा आरक्षण पूरा गर्न पठाइएको थियो । साथै १२ हजार ८ जनालाई देश निकाला गरिएको छ ।
साउदी सुरक्षाका अनुसार गत हप्तामा साउदी अरबका विभिन्न क्षेत्रहरूबाट अवैध आप्रवासीहरूलाई पक्राउ गरिएको जानकारी दिएको छ । मार्च १३ देखि १९ बीचको अवधिमा साउदी सुरक्षा बलहरूले सम्बन्धित सरकारी निकायहरूसँगको सहकार्यमा सञ्चालन गरेको संयुक्त क्षेत्र सुरक्षा अभियानको क्रममा यी अवैध आप्रवासीलाई पक्राउ गरेको हो ।
साउदीमा सीमा पार गरेर राज्य प्रवेश गर्ने प्रयास गर्दा पक्राउ परेका व्यक्तिहरूको कूल संख्या १ हजार ५५३ छ। जसमध्ये २८ प्रतिशत यमनी नागरिक,६९ प्रतिशत इथियोपियाली नागरिक र तीन प्रतिशत अन्य मुलुकका रहेका छन् ।
अवैधरूपमा राज्य छोड्ने प्रयास गर्दा कूल ६३ जना पक्राउ परेका छन्। साथै नियम उल्लङ्घन गर्नेहरूलाई ढुवानी गर्ने,आश्रय दिने र रोजगारी दिने काममा संलग्न ३६ जनालाई पनि पक्राउ गरिएको छ।
३५ हजार ७९५ पुरुष र २ हजार २६६ महिलासहित कूल ३८ हजार ६१ अवैध बसोबास गर्नेहरूलाई हाल उनीहरू विरुद्ध दण्डात्मक उपायहरूको रूपमा विभिन्न चरणका कानुनी प्रक्रियाहरू सुरू गरिएको छ । गृह मन्त्रालयलका अनुसार कुनै पनि व्यक्ति जसले राज्यमा व्यक्तिहरूको अवैध प्रवेशलाई सहज बनाउँछ,तिनीहरूलाई आफ्नो क्षेत्रमा ओसारपसार गर्छ,उनीहरूलाई आश्रय दिन्छ वा अन्य कुनै सहयोग वा सेवा प्रदान गर्छ भने १५ वर्षसम्मको जेल सजाय हुने र १० लाख रियालसम्मको जरिवाना हुने जानकारी दिएको छ ।
अवैधरूपमा ढुवानीको लागि प्रयोग गरिएका सवारी साधन वा आश्रय दिन प्रयोग गरिएका घरहरू समेत जफत गरिने यहाँको गृहमन्त्रालयले जनाएको छ। साथै साउदीमा रहेका हरेक नागरिकलाई मन्त्रालयले मक्का, रियाद र पूर्वी प्रान्तका क्षेत्रहरूमा ९११ नम्बर र राज्यका बाँकी क्षेत्रहरूमा ९९९ र ९९६ नम्बरहरूमा कल गरेर कुनै पनि उल्लङ्घनको घटना रिपोर्ट गर्न आग्रह गरेको छ।
अवैध आप्रवासी पक्राउ
