काठमाडौं। जमाना परिवर्तन भए पनि संगीत सुन्नेहरुबीच पुराना गीत र भिडियोको मोह उस्तै छ।
पुराना म्युजिक भिडियोको झझल्को दिने गरि नयाँपन दिएर कसरी पस्कन सकिन्छ भनेर एउटा प्रयास स्वरूप हालै मात्र ‘तिम्रो र मेरो’ बोलको गीतको म्युजिक भिडियो सार्वजनिक भएको हो।
गीतमा गायक सविन सुवेदी र गायिका स्मिता दाहालको मिठासपूर्ण गायकी सुन्न सकिन्छ। गीतलाई अमेरिकाको ओहायो राज्यमा बसोबास गर्दै आएका गीतकार गोपाल लोहारले लेखेका हुन्।
वरिष्ठ संगीतकार रञ्जित गजमेरले संगीतवद्द गरेका हुन्। सन् ८० को दशकको झझल्को दिने गरि तयार पारिएको म्युजिक भिडियोमा प्रभात पाल ठकुरी र सलिना खत्रीले अभिनय गरेका छन।
श्याम तामाङले छायाँकन गरेको भिडियोलाई राकेश दाहालले सम्पादन गरेका हुन्।
हेमन लामिछानेको कोरियोग्राफी रहेको यस गीतको भिडियोलाई श्याम लामा र जेबिआर सनमको सयुक्त निर्देशनमा तयार पारिएको हो।
भीमा लोहार निर्मात्री यस गीतको भिडियोलाई ‘गोलो प्रडक्शन’को आधिकारिक च्यानल मार्फत भिडियो सार्वजनिक गरिएको हो।
