काठमाडौं । प्रधानमन्त्री केपी शर्मा ओलीले सत्तारुढ दलको उच्चस्तरीय राजनीतिक संयन्त्रको बैठक बोलाएका छन्। बैठक प्रधानमन्त्री निवास बालुवाटारमा अपरान्ह ५ बजे बस्नेगरी बोलाइएको प्रधानमन्त्रीको सचिवालयले जनाएको छ। बैठकमा सरकारले ल्याएका अध्यादेशलगायत विषयमा छलफल हुने जनाइएको छ।
कांग्रेस-एमाले गठबन्धन सरकारलाई सञ्चालनमा सुझाव दिन गत कार्त्तिक १५ गते एमाले अध्यक्षसमेत रहेका प्रधानमन्त्री ओली र कांग्रेस सभापति शेरबहादुर देउवासहित सत्तारुढ हलरूको उच्चस्तरीय राजनीतिक संयन्त्र बनाइएको थियो।
जनता समाजवादी पार्टी नेपालले अध्यादेशलाई समर्थन गर्ने वा नगर्ने निर्णय नगर्दा दुवै सदनमा अध्यादेश निणयार्थ पेश हुन सकेको छैन्। अध्यादेश पारित गराउन प्रतिनिधिसभामा सत्तारुढ कांग्रेस र एमालेसँग स्पष्ट बहुमत छ भने राष्ट्रियसभामा बहुमत पुर्याउन जसपा नेपालको साथ आवश्यक छ।
यसअघि माघ २४ गते संघीय संसदमा सरकारले ल्याएका ६ वटा अध्यादेशहरू निर्णयार्थ पेश गर्ने कार्यसूची रहे पनि अन्तिम समयमा आएर कार्यसूचीबाट हटाइएको थियो। राष्ट्रियसभामा सत्ता गठबन्धनको बहुमत नपुग्ने भएपछि अध्यादेश पेश गर्ने कार्यसूचीबाट नै हटाइएको थियो।
आज अपरान्ह १ बजे बस्ने प्रतिनिधिसभा बैठकको कार्यसूचीमा पनि अध्यादेश समेटिएको छैन।
प्रधानमन्त्री केपी शर्मा ओली
